تشيز كيك

السلام عليكم ورحمه الله وبركاته


اليوم رااح اسوي تشيز كيك في طرق كثيره لعمل تشيز كيك وهذي احدى طرقي المفضلة والمحبوبة لدى الجميع


قبل لا أبدأ في عمل تشيز كيك عندي همسة

تشيز كيك اليوم بنكة الفراولة تقدرون تغيرونها بأي فاكهة انتو تحبونها بنفس الطريقة

واذا ماتبون الحليب المحلى تقدرون تضيفون السكر

وألوان الطعام تقدرون تستبدلونها بالجيلي بنكهات اللي بتسوون فيها تشيز كيك وبيعطيكم مذاق الفاكهة اللي تبونها

بس انا افضل الوان الطعام وطعم الفواكه الطازجه

المقادير
الطبقه الاولى
بسكوت دايجيستيف 200 جرام او اي بسكوت شاهي او اي كيكه ((اختياري))
زبده 25 جرام

الطبقه الثانيه
جبنة فيلادلفيا 200 جرام

حليب نستل المحلى 190 جرام ((تقريبا نص من العلبه الكبيره))

قشطه سائله 200 ملي ((او كريمه الخفق اختياري))

1 قشطه عاديه 170 جرام

ظرف 1 دريم ويب

2 ونص م ك جيلاتين بدون لون ونكهه مذوبه في ماء ساخن

حليب 50 ملي

ربع م ص ملون الطعام اللون وردي((اذا تبون لونه اغمق تقدرون تزيدون بس الافتح احلى))


7 حبات فراوله طازجه

الطبقه الثالثه
نص ظرف جيلي فراوله
فراوله طازجه



الطريقه
أولا نطحن البسكوت ونذوب الزبده ونخلطه مع بعض جيدا ونصفيه بشكل متساوي في الصينيه تشيز كيك الي تفتح

وندخلها الفرن لمدة دقيقه من فوق وتحت ونحطه على جنب

((تستطيعون تحطونه في الثلاجه لحتى تتماسك البسكوت اختياري انا افضل ادخله الفرن لمده دقيقه يعطيني طعم

رائع للبسكوت ))

في خلاطه العصير نصب الحليب و 7 حبات الفراوله ونخلطه مو واايد لانه نريد قطع من الفراوله

شوفو كيف القطع


ونصب الخليط في خلاطه الخفق ونحط ظرف دريم ويب ونخلطه الين يصير مثل الكريمه

وبعدها نحط القشطه السائله ولحليب المحلى ولقشطه العاديه وجبنة فيلادلفيا ولجيلاتين

ونخفقه الين يصير عندنا مزيج من الكريمه



ونضيف عليه ملون الطعام

وبعدها


نصبه في الصينيه الي صفينا فيها البسكوت وندخلها الثلاجه لمدة 5 ساعات او اكثر لحتى تجمد الكيكه

انذوب الجيلي في ماء ساخن ونخليه يبرد


بعد ماتجمد الكيكه نطلعها ونزينها بـ شرائح الفراوله ونصب عليها الجيلي
وندخلها مره ثانيه الثلاجه لمده ساعه او اكثر لحتى تجمد جيدا


هذي بعد ماطلعناها من الثلاجه وحطيناها في الصينيه



وبالعافيه عليـــــــــكم..