قرقيعــان اطفــال الخليــج

يردد الاطفال في ليلة منتصف شعبان
وتسمى هذه الليله في الامارات
من حق الليله..
عطونا الله يعطيكم بيت مكه يوديكم
عطونا من حق الله ولا بنذبح عبدالله
عطونا من حق هالليله ولا بنذبح العجيله .... الخ

يردد الاطفال في مملكة البحرين ...
سلم ولدهم يا الله
وخله لأمه يا الله
اييب المكده يا الله
ويحطها في جم امه
يا شفيع لأمه
قرقاعون عاده عليكم يالصيام مابين قصير ورمضان .... الخ

ويردد الاطفال في دولة الكويت...
قرقيعان وقرقيعان بين قصير ورميضان
عادت عليكم صيام كل سنه وكل عام
سلم ولدهم يالله خله لأمه يا الله
عسى البقعه ما تخمه ولا توازي على امه
عطونا الله يعطيكم بيت مكه يوديكم .... الخ

ويردد الاطفال في المملكه العربيه السعوديه ...
قرقع قرقع قرقيعان
ام قصير ورمضان
عطونا الله يعطيكم
بيت مكه يوديكم
يوديكم لأهاليكم
ويلحفكم بالجاعد
عن المطر والراعد .... الخ

أما هاذي صج عجيبة
ويردد الاطفال في سلطنة عمان ...
مرنقشوه يوناس
عطونا شوية حلواي
دوس دوس في المندوس
حاره حاره في السحاره
واذا لم يحصل الاطفال على القرنقشوه
يرددون:
قدام بيتكم صينيه
ورا بيتكم جنيه

ويردد الاطفال في قطر ...
قرنقعوه قرقاعوه
عطونا الله يعطيكم
بيت مكه يوديكم
يوديكم لأهليكم
يامكه يالمعموره
يا أم السلاسل والذهب يانوره
عطونا دحبة ميزان يسلم لكم عزيزان
عطونا دحبة ليفه يسلم لكم خليفه .... الخ

ونستخلص من هذا الاحتفال بعض الدلالات
الاجتماعية والترفيهية والروح الجماعية والاسرية
العامة التي تميز نمط العلاقات الاجتماعيه وتظهر تلك
الدلالات من خلال اهتمام الاهالي باحتفال الاطفال
ومشاركتهم المشاعر الطفوليه بالفرحه واشاعة روح الموده
والالفه بين الناس

وكل عــام وانتم بخيــر

تحيــات

احلــى حلـــم

عزيزي أحلى حلم .. كــلمات في قــمة الرروعــة

سلـــمت هالأيــادي ..مميــز اختــياركــ

وكــل عـــام وأنت بخير عســاك بصحـــه وســـلامــة

لاعـــدمنا منـك دمــت وداام ابــداعــك

دمت بسعـادهـ..

تسلم

ع الطرح الرائع اخوي

احلى حلم

في انتظار جديدك انشاء الله

دمت بود

عطـري أنفاسـك
احلـى بنوتـه ...

كل الشكــر على التواصـل
والمشــاركه في الموضـوع

دمتـم ودامت أشراقتكم الزهيه
في منتدياتنــا ..

لكم تحيــات

احلــى حلــم